Qubada yerləşən məktəb-liseydə şagird qəbuluna start verilir. Bu haqda ShimalNews 7 iyul tarixində Quba-Xaçmaz Regional Təhsil İdarəsinə istinadən məlumat verir.
Azad Məmmədov adına 2 nömrəli təbiət fənləri təmayüllü məktəb-liseyin 5-ci sinfinə şagird qəbulu iyulun 10-da baş tutacaq.
Sənədlər həftənin I-V günləri saat 09:00-dan 17:00-dək məktəb-liseyin 1-ci mərtəbəsində olan qəbul otağına təqdim edilməlidir. Qeydiyyat üçün məktəblinin şəxsiyyətini təsdiq edən sənəd və qiymət cədvəli tələb olunur.
İmtahan avqust ayının ikinci yarısında baş tutacaq. Sənəd qəbulu avqustun 10-u saat 17:00-da başa çatacaq.
