İsmayıllı sakini Elçin Ağayev bildirir ki, 25 illik zəhmətinin nəticəsi olan 20 dən artıq müxtəlif növ meyvə ağacı kəsilərək məhv edilib.
Onun iddialarına görə, illərlə əkinçiliklə məşğul olub və ağaclarını xüsusi qayğı ilə yetişdirib. Bir müddət əvvəl qardaşı ilə arasında torpaq üstündə mübahisə yaranıb. Bundan sonra qardaşı Raqub Ağayev onun əkdiyi ağacları bir gündə kəsib.
O aidiyyəti orqanlardan hadisəyə qiymət verilməsini və zərərin təmin edilməsini tələb edir.
Eyni zamanda, Raqub Ağayev ağacları kəsdiyini etiraf edib. Buna səbəb kimi isə torpaq sahəsinin rəsmi sənədlə ona məxsus olduğunu və həmin ərazidə ev tikmək istədiyini qeyd edib.
Lakin, qardaşının ona mane olması nəticəsində bu yola əl atıb. Hətta qeyd edib ki, qardaşı ilə illərdir torpaq üstündə mübahisələri davam edir.
Məsələ ilə bağlı Ekologiya və Təbii Sərvətlər Nazirliyindən bildirilib ki, nazirliyin nümayəndələri ərazidə araşdırma aparacaq.
Ətraflı videomaterialda:
