Xaçmazın Şollar qəsəbəsində inək sahibinə xəsarət yetirib. Bu haqda ShimalNews 23 iyun tarixində “Den.az”a istinadən məlumat verir.
Hadisə səhər saatlarında baş verib. 58 yaşlı Mövlud Bayramov tovləsindəki heyvanlara yem vermək istəyib. Bu vaxt inək qəflətən başını çevirib və buynuzu onun qarnına sancılıb.
Xəsarət alanın ailə üzvləri Xudat şəhər Xəstəxanasına məlumat veriblər. Təcili Tibbi Yardım vasitəsi ilə yaralı Xaçmaz Rayon Mərkəzi Xəstəxanasına aparılıb və orada ona tikiş qoyulub.
M.Bayramovun vəziyyəti orta ağırdır. O, stasionar müalicə alır.
Faktla bağlı araşdırma aparılır.
