Siyəzəndə sentyabrın 6-da itkin düşən gəncin axtarışları hələdə davam edir.
“Referans.аz”ın məlumatına görə, 22 yaşlı Mahmud Məlikov namaz qılmaq üçün məscidə gedib və geri qayıtmayıb. Onun atası Kamal Məlikov axtarışların heç bir nəticə vermədiyini bildirir.
Ailə artıq 14 gündür axtarılan gəncin Samur - Abşeron kanalında boğulduğunu iddia edir. Axtarışların aparılması üçün suyun həcminin aşağı düşürülməsi istiqamətində aidiyyatı orqanlar hələ də nəsə edə bilməyiblər. Gəncin tuneldə ilişib qalmasından şübhələnən ailə pərişandır.
İtkin düşənin iki nəfər tərəfindən Xırdalanda görüldüyünə dair şübhələr də var.
Ata iddia edib ki, oğlu qumarda uduzub və sonuncu dəfə borclarını bağlamaqçün ona 520 manat pul göndərib.
Daha öncə, Azərbaycan Dövlət Neft və Sənaye Universitetinin sonuncu kurs tələbəsinin yoxa çıxması barədə məlumat vermişdik. Onun namaz qılmaq üçün məscidə gedib və geri qayıtmadığı bildirilib.
