Siyəzən-Məşrif avtomobil yolunda, Qalaaltı və Məşrif kəndlərini rayon mərkəzi ilə birləşdirən, Gilgilçayın üzərində yerləşən körpü qəzalı vəziyyətdədir.
Bu barədə Shimal.News-a yerli sakinlər məlumat veriblər.
Onların sözlərinə görə, bir müddət öncə yağan leysan xarakterli yağışlar nəticəsində çaydan sel keçib. Nəticədə körpünün əsas dayaqlarından biri yuyulub. Körpü üzərində su yığıntısının əmələ gəlməsi də göstərir ki, dayaq hissə çöküb. Hazırda ərazidə təhlükəli vəziyyət yaranıb. Körpü hər an uça bilər. Bu səbəbdən də yerli sakinlər aidiyyəti qurumlardan təcili tədbir görülməsini tələb edirlər.
