Xaçmaz rayonu "Təzə planlar" adlanan ərazidə Şollar küçəsinin sakinləri işıq probleminin həlli üçün redaksiyamıza müraciət ediblər.
Shimal.News xəbər verir ki, sakinlərin sözlərinə görə, küçədəki işıq dayaqları çox köhnədir, elektrik enerjisi isə zəif olur və onların gündəlik həyatını çətinləşdirir.
"Bizim işıqlar çox zəifdir, köhnə dirəklər isə artıq təhlükə yaradır. Xahiş edirik, kimsə gəlib bu məsələyə baxsın," - deyə şikayətçilər bildirirlər.
"Şimalın bitməyən dirək problemi" adlandırılan bu vəziyyət təkcə Xaçmazda deyil, digər şimal rayonlarında da müşahidə olunur. Köhnəlmiş elektrik infrastrukturu, müasir texnologiyaların tətbiq edilməməsi və vətəndaşların tələblərinə laqeyd yanaşılması kimi səbəblər sakinlərin narazılığını artırır.
