Quba və Xaçmazda yüksək patogen quş qripi xəstəliyindən qorumaq məqsədilə növbəti epizootoloji monitorinqlərə başlanılıb. Bu barədə ShimalNews 14 dekabr tarixində AQTA-ya istinadən məlumat verir.
Monitorinqlər adıçəkilən rayonlarda fəaliyyət göstərən sənaye əsaslı iri və kiçik quşçuluq müəssisələrində aparılıb. Burada quşların laborator müayinə aparılması üçün diaqnostik nümunələr götürülüb, həmçinin təsərrüfatlara ümumi baxış keçirilib.
Yoxlamaları keçirən əməkdaşlar tərəfindən baytarlıq norma və qaydalarına əməl olunması üçün maarifləndirmə-təbliğat tədbirləri təşkil edilib.
