Quba, Qusar və Xaçmaz rayonlarında fitosanitar monitorinqlər davam etdirilir. Bu barədə ShimalNews 12 iyun tarixində AQTA-ya istinadən məlumat verir.
Belə ki, rayonların ərazisində 19-u Qəhvəyi mərmər bağacığına (Halymorpha halys), 16-sı Şaftalı meyvəyeyəninə (Carposina niponensis), 15-i Aralıq dənizi meyvə milçəyinə (Ceratitis capitata) və 13-ü Qərb çiçək tripsinə (Frankliniella occidentals) aid ümumilikdə 63 feromon tələ asılıb.
Həmçinin monitorinqlər zamanı alma, armud, gilas və nektarin ağaclarının müxtəlif hissələrindən ümumilikdə 74 nümunə götürülərək AQTA-nın müvafiq laboratoriyasına təqdim olunub.
Müayinələr nəticəsində karantin tətbiq edilən zərərli orqanizm aşkarlanmayıb.
