Ali məktəblərə qəbul prosesi ilə bağlı çətinlik yaşayan abituriyentlər üçün Xaçmaz və Şəkidə xüsusi məsləhət mərkəzləri fəaliyyət göstərir.
Shimal.News xəbər verir ki, Dövlət İmtahan Mərkəzinin (DİM) yaratdığı Abituriyent Məsləhət Mərkəzlərində vətəndaşlara bütün xidmətlər ödənişsiz göstərilir.
Mərkəzlərdə xüsusi təlim keçmiş əməkdaşlar abituriyentlərə elektron ərizələrin doldurulması, ixtisas seçimi, qəbul qaydaları, müsabiqə şərtləri və digər vacib məsələlərlə bağlı kömək edirlər.
Şimal bölgəsində fəaliyyət göstərən mərkəzlərdən biri Xaçmaz Regional Bölməsində, digəri isə Şəki Regional Bölməsində yerləşir.
Hazırda I, II, III və IV ixtisas qrupları üzrə qəbul imtahanının ikinci mərhələsinin ikinci cəhdində iştirak etmək istəyən abituriyentlərin qeydiyyatı davam edir. DİM abituriyentlərə sənədləşmə və seçim mərhələsində yaranan suallarla bağlı məsləhət mərkəzlərinə müraciət etməyi tövsiyə edir.
Ünvanlar📍 Xaçmaz Regional Bölməsi
Xaçmaz şəhəri, M. Rəsulzadə küçəsi 7B
📍 Şəki Regional Bölməsi
Şəki şəhəri, S. Mümtaz küçəsi 8
Məsləhət mərkəzləri həftəiçi hər gün saat 10:00-dan 17:00-dək fəaliyyət göstərir.
Digər bölgələr üzrə ünvanlarla buradan tanış ola bilərsiniz.
