Bu gün ölkə ərazisində qeyri-sabit, yağıntılı və küləkli hava şəraiti müşahidə olunur.
Shimal.News xəbər verir ki, bu barədə Milli Hidrometeorologiya Xidmətindən məlumat verilib.
Şimalın əksər yerlərinə leysan xarakterli intensiv yağış yağır, şimşək çaxır.
Düşən yağıntının miqdarı Zaqatalada 49, Qusarda 41, Oğuzda 40, Balakəndə 37, Qubada 36, Qax (Sarıbaş), Xaltanda 32, Şəki, Qrızda 28, Xınalıqda 27, Şamaxıda 22, Qəbələdə 21, Altıağac 20, Şabranda 13 mm-dək olub. Şahdağda isə 14 sm qar yağıb.
Bir sıra ərazilərdə şimal-qərb küləyi əsir, küləyin maksimal sürəti arabir Xızıda 25, Qusarda 17 m/s-dək güclənir.
Balakən, Qax (Sarıbaş), Zaqatala, Şəki, Qəbələ, Şamaxı, Qrız, Şahdağda duman müşahidə olunur. Görünüş məsafəsi 500 metrədək məhdudlaşıb.
