Daxili İşlər Nazirliyi Mətbuat Xidmətinin Quba regional qrupu Şabranda narkotik bitkisini kultivasiya edən şəxsin həbs edildiyini bildirib. Bu barədə ShimalNews 20 sentyabr tarixində xəbər verir.
Polis tərəfindən əməliyyat-axtarış tədbirləri keçirilib. Nəticədə narkotik xassəli çətənə bitkilərinin aqrotexniki qaydada kultivasiyası ilə məşğul olan Məliklər kənd sakini Yusif Mustafayev tutulub.
Həmin şəxsin yaşadığı evə və həyətyanı sahəsinə baxış keçirilib. Bu zaman çəkisi 28 kq olan 66 ədəd çətənə bitkisi, 20 qram narkotik vasitə olan marixuana, 1 ədəd sənədsiz tüfəng və 5 ədəd patron aşkar olunaraq götürülüb.
[video width="848" height="480" mp4="https://shimal.news/storage/photos/2023/09/WhatsApp-Video-2023-09-20-at-13.06.55.mp4"][/video]
