Rəqəmsal inkişaf və nəqliyyat naziri Rəşad Nəbiyev Quba, Xaçmaz və Qusar rayonlarının sakinləri ilə görüşüb. Bu barədə ShimalNews 6 iyun tarixində məlumat verir.
Tədbir iyunun 5-i Qusar şəhərində yerləşən Heydər Əliyev Mərkəzinin inzibati binasında keçirilib. Vətəndaşların nəqliyyat, telekommunikasiya, o cümlədən internet, teleradio yayımı və poçt xidmətləri ilə bağlı müraciətlərinə baxılıb.
Məsələlərin bir qismi müsbət həllini tapıb, digərlərinin mövcud qanunvericiliyin tələblərinə uyğun və operativ şəkildə araşdırılması ilə əlaqədar nazirliyin aidiyyəti qurumlarının rəhbərlərinə tapşırıqlar verilib.
