Xaçmaz, Quba və Şabran rayonları ərazisindən qanunsuz qum-çınqıl daşınması müəyyən edilib. Bu barədə ShimalNews 29 iyun tarixində Dövlət Ekoloji Təhlükəsizlik Xidmətinə istinadən məlumat verir.
Şimal bölgəsində növbəti nəzarət tədbirləri keçirilib. Nəticədə Xaçmaz rayonu, Caqacuq çayının yatağından "5 saylı Yol İstismar İdarəsi" MMC, Quba rayonu, Birinci Nügədi kəndi ərazisindən “Azvirt” MMC tərəfindən, Şabran rayonu, Dəvəçiçay çayının yatağından isə "Siyəzənneft" NQÇİ-yə məxsus nəqliyyat vasitələri ilə qum-çınqıl daşındığı məlum olub.
Faktlarla bağlı aktlar və protokollar tərtib olunub, qanun pozucuları barəsində qanunamüvafiq tədbirlər görülüb.
Son 2 il ərzində ShimalNews müəssisələr tərəfindən çay yataqlarının dərinləşdirilməsini gündəmdə saxlayır.
