Dövlət Miqrasiya Xidmətinin regional idarələri tərəfindən Xaçmaz və İsmayıllıda sağlamlıq imkanları məhdud şəxslərə səyyar xidmətlər təqdim edilib. Bu haqda ShimalNews 4 iyul tarixində məlumat verir.
Qurumun əməkdaşları sağlamlıq imkanları məhdud şəxslərin yaşadıqları ünvanlarda müvafiq yaşamaq üçün icazə vəsiqələri təqdim ediblər. Eyni zamanda şəxslərdən müvəqqəti və daimi yaşamaq üçün icazə vəsiqələrinin alınması və vətəndaşlıq mənsubiyyətinin müəyyənləşdirilməsi ilə bağlı sənədlər qəbul edilib, həmçinin müraciətlərə uyğun tələb olunan sənədlərin siyahısı izah edilib.
Səyyar xidmətlərin təşkil edilməsində məqsəd həssas kateqoriyadan olan şəxslər üçün müraciətlərin əlçatanlığını təmin etməkdir.
