Yanvarın 6-dan 7-nə keçən gecə Milad bayramı qeyd olunub.
Shimal.News xəbər verir ki, şimal rayonlarında yaşayan xristian icmasının üzvləri tərəfindən dini ayinlər həyata keçirilib və dualar oxunub.
Mərasimlər Xaçmazda yerləşən “Müqəddəs möcüzəvi Nikolay” pravoslav kilsəsində və İvanovkada yerləşən "Molokan-ruhani-xristian" dini icmasına məxsus ibadət evində baş tutub.
Milad bayramı özündə yeniliyi, əmin-amanlığı, mərhəmət və şəfqət duyğularının təntənəsini təcəssüm etdirir. Bayramla əlaqədar hazırlıq əvvəlcədən görülərək şirniyyatlar bişirilib və dini ayinlərin icrasından sonra paylanılıb.
