Quba, Qusar və Xaçmaz rayonlarında "Nə? Harada? Nə zaman?" formatı üzrə intellektual turnirlər təşkil ediləcək. Bu haqda ShimalNews 1 avqust tarixində "Yurd" Gənclərin İntellektual İnkişafına Dəstək” facebook səhifəsinə istinadən məlumat verir.
"25-ci kadr - KinoMƏNlərin intellekt savaşi" layihəsi çərçivəsində təşkil edilən yarış Azərbaycan kinosunun 125 illiyinə həsr olunub. Komandalar (hər komandada 6 nəfər olmaqla) hər rayon üzrə (hər rayonda 8 komanda) sentyabr, oktyabr və noyabr aylarında mübarizə aparacaq.
Turniri keçirməkdə məqsəd Azərbaycan kinosunun gənclər arasında təbliğini təşkil etməkdir.
