Şimal bölgəsində alça və gilas meyvələrinin satışı ötən ilə nisbətən aşağıdır. Bu haqda ShimalNews 20 iyun tarixində məlumat verir.
“Meyvəsi az olan daxili bazara, iri təsərrüfatlar isə Rusiya bazarına çıxarır mallarını. Ümumilikdə qiymətlər keçən illə müqayisədə aşağıdır. Keçən il alçanın kilosu 1,5 - 4 manat olub. Bu il isə 0,5-2,5 manatdan çox olmadır. Gilasın qiyməti növlərinə görə dəyişir. Onun keçən illə müqayisədə qiyməti 2 manatadək aşağı düşüb”, - deyə fermerlər bildiriblər.
Yaranan vəziyyət Rusiya Federasiyasında meyvə satışının aşağı olması ilə əlaqələndirilir.
Hazırda meyvə tədarükü davam edir. Son günlər yağıntılı hava şəraiti məhsuldarlığa zərər vurub. Bir neçə fermer gilasın çatladığını bildirib.
