Şəki Ağır Cinayətlər Məhkəməsində qətldə təqsirləndirilən Katıf Gülməmmədlinin cinayət işi üzrə məhkəmə iclası keçirilib.
Pravda.az-ın məlumatına görə, keçirilən prosesdə o, 10 il müddətinə azadlıqdan məhrum edilib. Katıf Gülməmmədli cəzasını ciddi rejimli cəzaçəkmə müəssisəsində çəkəcək.
İttihama görə, hadisə 2023-cü ilin may ayında Şəki rayonunun İnçə kəndində baş verib.
Bildirilir ki, Katıf Gülməmmədli hərbi biletini axtarmaq üçün əvvəllər atası ilə yaşadığı evə gəlib. Həyətə hasardan keçərək daxil olan Katıf, evin qapı və pəncərələrini sındıraraq içəri girib.
Axtarış zamanı sənədi tapa bilməyən Katıf mətbəxə keçib, soyuducudan iki yumurta götürərək bişirmək istəyib. Bu zaman evə gələn atası onun bu hərəkətinə etiraz edib.
Məlumata görə, tərəflər arasında mübahisə yaranıb. Mübahisə zamanı Katıf atasının boğazından tutaraq onu b*ğub.
Məhkəmə-tibbi ekspertizasının rəyinə əsasən, İsmayıl Gülüyev b*ğulma nəticəsində hadisə yerində ölüb.
İstintaq materiallarında qeyd olunub ki, Katıf daha sonra hadisəni gizlətmək üçün m*yitin yerini dəyişib və onu təbii ö*üm kimi göstərməyə çalışıb.
Hadisədən bir neçə gün sonra, mayın 12-də İsmayıl Gülüyevin m*yiti yaşadığı evdə aşkarlanıb.
Məlumata görə, Katıf Gülməmmədli atasına məxsus mobil telefonu götürərək Bakıda satıb.
Daha sonra o, saxlanılaraq istintaqa təhvil verilib.
