Xaçmaz rayonunda yerləşən Samur-Yalama Milli Parkında zərərvericilərə qarşı tədbirlər görülüb. Bu barədə ShimalNews 8 dekabr tarixində məlumat verir.
Milli parkın ərazisində ETSN-in Bioloji Müxtəlifliyin Qorunması Xidmətinin və Qida Təhlükəsizliyi Agentliyinin əməkdaşlarından ibarət qrup tərəfindən monitorinq aparılıb. Nəticədə palıd, vələs ağaclarında “tək ipəksarıyan” (Lymantria dispar) zərərvericisinin yayıldığı müəyyən edilib.
Aparılan tədbirlər zamanı 3 hektar ərazidəki ağaclar zərərvericilərdən təmizlənib və hazırda bu istiqamətdə işlər davam etdirilir.
