Xaçmaz rayonunda səmti müəyyən etmə idman növü üzrə yarış keçirilib.
Shimal.News xəbər verir ki, Yalama kənd tam orta məktəbinin müəllim və şagird heyətinin iştirakı ilə baş tutan tədbir Samur-Yalama Milli Parkının Tel-bulağı marşrutunda təşkil olunub.
Milli parkın mütəxəssisləri tərəfindən iştirakçılara park haqqında ətraflı məlumat verilib, nadir və nəsli kəsilməkdə olan bitki və heyvan növlərinin qorunub saxlanılması və ekoturizmin inkişaf etdirilməsinin vacibliyi vurğulanıb.
Ekoturizmin, sağlam həyat tərzinin və ətraf mühitə qayğı ilə yanaşmanın təbliği məqsədi daşıyan tədbir uşaqlarda təbiətə sevgi və məsuliyyət hissinin artırılmasına dəstəkdir.
