Bu gün İsmayıllıdan olan şəhidin anım günü qeyd olunub.
Shimal.News xəbər verir ki, 2023-cü ilin 19 sentyabr tarixində baş verən antiterror əməliyyatları zamanı şəhidlik zirvəsinə ucalan Cahan Qasımovun anım günü Qalınçaq kəndində keçirilib.
Bu gün Qalınçaq qəbiristanlığında Birinci Qarabağ müharibəsi şəhidi Elbrus Həsənov, Vətən müharibəsi şəhidləri Fuad Nəcəfov və Tural Rəcəbalıyevin də məzarları ziyarət edilib, ruhlarına dualar oxunub.
Qeyd edək ki, şəhid Cahan Qasımov ölümündən sonra “Vətən uğrunda” medalı və 3-cü dərəcəli "Vətənə xidmətə görə" ordeni ilə təltif edilib.
