Şahdağ Turizm Mərkəzi ötən ili zərərlə başa vurmasına dair məsələyə aydınlıq gətirib. Bu haqda ShimalNews 20 iyun tarixində Report-a istinadən xəbər verir.
Bununla bağlı Dövlət Turizm Agentliyinə məxsus olan istirahət mərkəzi açıqlama verib. Mərkəzin birja əməliyyatı gəlirlərindəki 56,3 % artımı (müştəri sayının artımı) nəzərə aldıqda buna nisbətdə inzibati xərclərin (kompleksin köhnəlməsi ilə əlaqədar meydana çıxan təmir və bərpa xərcləri) 11,2 %, satışın maya dəyərinin 17 % olmaqla təbii şəkildə artması, eləcə də 2021-ci ilə nisbətdə cari ildə büdcədən daxil olan vəsaitin 13,6 % azalması, həmçinin ötən illərin yığılmış kreditor öhdəliklərinin 37,3 % azaldılması müəyyən kəsir və zərərlərə səbəb olub.
Daha öncə Şahdağ Turizm Mərkəzinin ötən ili 8 milyondan çox zərərlə bitirməsi barədə məlumat vermişdik.
