"Şahdağ Turizm Mərkəzi" ötən ili zərərlə başa vurub. Bu haqda ShimalNews 19 iyun tarixində Report-a istinadən xəbər verir.
Məlumata əsasən, 2022-ci ilin zərəri 8,688 milyon manat təşkil edib. Bu isə 2021-ci illə müqayisədə 37 % çoxdur. Son nəticədə dövlət şirkətinin yığılmış zərəri 97,177 milyon manata çatıb.
Ötən il "Şahdağ Turizm Mərkəzi"nin birja əməliyyatlarından gəlirləri 9,608 milyon manat (əvvəlki ilə nisbətən 56,3 % çox), qeyri-birja əməliyyatlarından gəlirləri (dövlət büdcəsindən ayırmalar) 12,077 milyon manat (13,6 % az), sair gəlirləri 0,784 milyon manat (38,4 % az), satışının maya dəyəri 12,044 milyon manat (16,9 % çox), inzibati xərcləri 16,299 milyon manat (11,2 % çox), maliyyə xərcləri 153 min manat (8,1 dəfə çox), gəlirdən çıxılan vergilər üzrə xərcləri isə 2,66 milyon manat (4,1 % az) təşkil edib.
“Şahdağ Turizm Mərkəzi” 2015-ci ildə yaradılıb. Onun nizamnamə kapitalı 397,507 milyon manatdır.
