Şahdağ Milli Parkının İsmayıllı bölməsində ekokönüllülər üçün tədbir təşkil olunub. Bu haqda ShimalNews 18 iyun tarixində məlumat verir.
Ümumdünya ətraf mühitin mühafizəsi günü ilə bağlı "DOST İnklüziv İnkişaf və Yaradıcılıq Mərkəzi” və Ekologiya və Təbii Sərvətlər Nazirliyində fəaliyyət göstərən gənclər məlumatlandırma turuna qatılıblar.
İştirakçılara Şahdağ Milli Parkının özünəməxsus xüsusiyyətlərindən bəhs olunub, buradakı landşaft xüsusiyyətlərinə, biomüxtəlifliyin qorunmasına və ekoturizmin inkişafındakı vacib roluna diqqət çəkilib.
Ekskursiya zamanı benefisiarlar və ekokönüllülər ərazidə saxlanılan, nəsli kəsilməkdə olan nadir heyvan növlərini izləyiblər və onlara milli parkın flora və faunası ilə yanaşı, torpaq örtüyü, relyefi barədə də məlumatlar verilib.
