Xəbər verdiyimiz kimi ötən gün axşam saatlarında Samur-Abşeron kanalının Şabran rayonunun Gəndob kəndi ərazisindən keçən hissəsində qadın meyiti aşkarlanıb.
Shimal.News xəbər verir ki, suyun səviyyəsi yüksək olduğundan kanalın dəmir barmaqlıqlarına ilişən meyiti gecə saatlarında çətinliklə sudan çıxartmaq mümkün olub.
FHN-nin dalğıc xilasetmə qrupu meyiti aidiyyatı üzrə təhvil verib. Meyit Xaçmaz rayonunun Hacıəlibəy kənd sakini 29 yaşlı Cəfərova Kübraxanım Cəlil qızına məxsus olduğu müəyyənləşib.
Subay olan 29 yaşlı qızın oktyabrın 3-də itkin düşdüyü bildirilir. Hazırda onun hansı şəraitdə Samur Abşeron kanalına düşdüyü araşdırılır. Onun intihar etməsi, yaxud digər cinayətin qurbanı olması aparılan araşdırmaların sonunda bəlli olacaq.
