Ali Məhkəmədə Şabran rayonu ərazisində qəza törədən Rusiya vətəndaşı, Abduljalil Azizovun barəsindəki qərardan verilən kassasiya şikayətinə baxılıb.
Pravda.az xəbər verir ki, hakim Ələsgər Novruzovun sədrliyi ilə keçirilən prosesdə qərar elan olunub. Qərara əsasən, şikayət təmin edilməyib.
Qeyd edək ki, Sumqayıt Ağır Cinayətlər Məhkəməsinin hökmü ilə o, 6 il müddətinə azadlıqdan məhrumetmə cəzasına məhkum edilib. Sumqayıt Apellyasiya Məhkəməsi apellyasiya şikayətini təmin etməyib.
Məhkəmədə 24 yaşlı A.Azizov deyib ki, hadisədən bir neçə saniyə əvvəl idarə etdiyi "Volvo" markalı TIR-ın qarşısına it çıxıb. Bu səbəbdən, qarşıdan gələn Gəndob istiqamətində hərəkətdə olan “VAZ-21061”, "Opel Vectra" və “VAZ-211440” avtomobillərlə toqquşub və yük avtomobili yolun sol kənarına çıxaraq aşıb.
Qəza nəticəsində avtomobildə olan sərnişinlər – 64 yaşlı Əli Babayev və onun həyat yoldaşı 64 yaşlı Səlminaz Babayeva, eləcə də 10 yaşlı Həqiqət Quliyeva ölüblər, sürücülərsə ağır xəsarət alıblar.
