UNICEF (Beynəlxalq Fövqəladə Uşaqlara Yardım Fondu) və ARTI (Azərbaycan Respublikasının Təhsil İnstitutu) Şabran, eləcə də Qusar rayonlarında yeni fəaliyyətə başlamış məktəblərin Psixoloji-Tibbi-Pedaqoji Komissiya (PTPK) üzvləri üçün təlimlər keçirib.
ShimalNews adıçəkilən təşkilata istinadən xəbər verir ki, tədris “İnklüziv sinif təşkil edilən ümumi təhsil müəssisələrinin şəbəkəsinin genişləndirilməsi” layihəsi çərçivəsində baş tutub.
PTPK üzvləri, əlilliyi olan şagirdlərin ümumtəhsil məktəblərinə seçilməsi üçün nəzərdə tutulmuş meyarlarla yaxından tanış olublar. Eyni zamanda, onlara siniflərin təşkil edilməsi və müəllimlərin sinif daxilində əməkdaşlıq mühitinin yaradılması izah olunub.
Layihənin əsas məqsədi inklüziv sinif təşkil edən ümumtəhsil müəssisələrinin şəbəkəsini genişləndirməklə, Azərbaycanda əlilliyi olan uşaqlar üçün inklüziv təhsil imkanlarını artırmaq və məktəblərdə kadr potensialını gücləndirməkdir.
