Şabran rayonunun Padar kənd tam orta məktəbində “Narkomaniyaya yox deyək” mövzusunda maarifləndirmə tədbiri keçirilib.
“Avtosfer.аz”ın məlumatına görə, tədbir Şabran Rayon Polis Şöbəsinin təşkilatçılığı ilə baş tutub.
Şagirdlərlə görüşdə çıxış edən polis polkovniki Məhəmməd İbrahimov narkotiklərin qanunsuz dövriyyəsinin cəmiyyətə və insanların sağlamlığına vurduğu zərərlərdən ətraflı bəhs edib. Bununla mübarizə barəsində tədbir iştirakçılarını məlumatlar verilib.
Sonda məktəbliləri maraqlandıran suallar cavablandırılıb.
