Şimal bölgəsində fəaliyyət göstərən “ARB” televiziya yayımının dayandırılması barədə müvafiq qərarlar qəbul olunub. Bu haqda ShimalNews 10 iyul tarixində məlumat verir.
Audiovizual Şura tərəfindən aparılmış monitorinqlər nəticəsində müstəsna yayım hüququnun pozulması ilə bağlı təsbit olunmuş faktlar müzakirə olunub. Nəticədə "ARB" televiziya redaksiyasının (kanalının) efirində və "ARB Günəş" televiziya redaksiyasının (kanalının) efirində digər audiovizual yayımçıya məxsus olan proqramların (bədii və cizgi filmlərinin) icazəsiz yayımlanması faktları öz təsdiqini tapıb.
Bu səbəbdən "ARB 24" MMC-nin "ARB" kanalının və "ARB Günəş" kanalının proqramlarının yayımının 11 iyul tarixində 3 saatlıq dayandırılması qərarı qəbul edilib.
