Qusar rayon İcra Hakimiyyətinin başçısı Sahir Məmmədxanov vətəndaşlarla səyyar qəbul keçirib. Bu barədə ShimalNews 13 iyul tarixində məlumat verir.
Görüşdə RİHB Aparatının əməkdaşları, hüquq-mühafizə orqanlarının, bir sıra idarə və müəssisələrin rəhbərləri də iştirak ediblər.
Urva və Çiləgir kəndlərinin sakinləri onları narahat edən məsələləri səsləndiriblər. Əsasən, köhnəlmiş işıq dirəklərinin və xətlərin dəyişdirilməsi, artezian quyusunun qazılması, kanalizasiya şəbəkəsinin qurulması, avtobus dayanacaqlarının quraşdırılması, magistral yolun kənarında səkilərin tikilməsi və bir sıra digər məsələlər qaldırılmışdır.
Sahir Məmmədxanov sakinlər tərəfindən qaldırılan məsələlərlə əlaqədar aidiyyəti qurumların rəhbərlərinə müvafiq göstərişlər verib, digər məsələlərin həlli üçün zəruri tədbirlərin görüləcəyini bildirib.
