Qusar rayonunun Əcəxur kənd sakinlərini narahat edən məsələlər dinlənilib. Bu haqda ShimalNews 15 mart tarixində xəbər verir.
Qəbulda Rayon İcra Hakimiyyətinin (RİH) əməkdaşları, hüquq-mühafizə orqanlarının, bir sıra idarə və müəssisələrin rəhbərləri iştirak ediblər.
Kənd sakinləri kəndin qazlaşdırılma, qəzalı vəziyyətdə olan elektrik dirəklərinin yeniləri ilə əvəz olunması, kənddaxili yolların hamarlanması, içməli su xətlərinin çəkilməsi, pay torpaqlarının kol-kosdan təmizlənməsi üçün 5 saylı Ekologiya və Təbii Sərvətlər İdarəsindən razılığın alınması və digər məsələlərin həllinə köməklik göstərilməsi ilə bağlı müraciətlər ediblər.
