Bu gün Quba Rayon İcra Hakimiyyətinin birinci müavini Tariyel İbrahimov sakinlərin səyyar qəbulunu keçirib. Bu barədə ShimalNews 25 iyul tarixində RİH-yə istinadən məlumat verir.
Görüş Susay kəndində təşkil edilib. Sakinləri narahat edən məsələləri DTX-nin Quba rayon şöbəsinin rəisi, RPŞ-nin rəis müavini, RİH yanında İctimai Şuranın sədri, rayonun bütün idarə, müəssisə və təşkilatlarının rəhbərləri dinləyiblər.
Vətəndaşlar tərəfindən qaldırılan məsələlərin həlli məqsədilə aidiyyəti şəxslərə tapşırıqlar verilib.
