Xaçmaz Rayon İcra Hakimiyyətinin başçısı Elnur Rzayev Köhnə Xudat kəndində sakinlərlə görüşüb. Bu haqda ShimalNews 28 iyul tarixində məlumat verir.
Qəbulda yerli hüquq mühafizə orqanlarının, təhsil, səhiyyə, mədəniyyət və digər xidmət təşkilatlarının rəhbərləri də iştirak ediblər.
Aşağı Ləgər, Seyidlər, Digahoba, İdrisoba və Fərzəlioba sakinlərinin müraciətləri dinlənilib. Sakinlər yolların təmiri, qaz təchizatının bərpası, güc transformatorlarının yenilənməsi, suvarma suyu ilə təchizatın yaxşılaşdırılması, rabitə-internet və digər sahələrə aid müraciətlər səsləndiriblər.
