Qusar rayon İcra Hakimiyyətinin başçısı Sahir Məmmədxanov Quxuroba kənd sakinləri ilə görüşüb.
Shimal.News xəbər verir ki, qəbul zamanı vətəndaşlar istismara yararsız işıq dirəklərinin yeniləri ilə əvəz edilməsi, elektrik enerjisinin verilişində yaranan fasilələrin aradan qaldırılması, nəqliyyat vasitələrinin, eləcə də piyadaların təhlülkəsiz hərəkətini təmin etmək üçün magistral avtomobil yolunda yol nişanlarının və piyada səkilərinin quraşdırılması, suvarma kanallarına beton üzlük çəkilməsi, artezian quyusunun təmiri, sosial yardımın verilməsi, köhnədən qalma işıq pulu borclarının silinməsi və digər məsələlərin həlli ilə bağlı müraciətlərini səsləndiriblər.
Qaldırılan məsələlər dinlənilib. Müraciətlərin həlli üçün əlaqədar idarə və təşkilat rəhbərlərinə tapşırıqlar verilib.
