Qusarlı gənc respublika rəsm müsabiqəsinin 3-cüsü olub. Bu haqda 6 iyun tarixində ShimalNews Azərbaycan Minatəmizləmə Agentliyinə (ANAMA) istinadən məlumat verir.
"Gerçəkləşmiş vəsiyyətin təhlükəsiz sabahları" adlı müsabiqə mina təhlükəsi ilə mübarizəyə həsr olunub. 01-30 aprel tarixləri arasında keçirilən yarış müharibənin partlayıcı qalıqlarının, keçmiş təmas xətti bölgələrində tank və piyada əleyhinə minalarla yanaşı, partlamamış hərbi sursatların yaratdığı təhlükə, uşaq və gənclər arasında ölüm və xəsarət alma riskinin azaldılması, eləcə də mina təhlükəsi ilə əlaqədar davranış və düşüncə tərzini dəyişdirmək məqsədilə keçirilib.
Qəbul olunan 400-ə yaxın rəsm işinin arasından Banu Bədəlli (Bakı şəhəri) 1-ci, Ayşən Əliyeva (Göygöl şəhəri) 2-ci, Kənan Zamanov (Qusar şəhəri) isə 3-cü yerə layiq görülüblər.
Qaliblər diplom və hədiyyələrlə mükafatlandırılıblar.
