Şahdağ Turizm Mərkəzini bayram günlərində ziyarət edən turistlərin sayı açıqlanıb. Bu barədə ShimalNews 5 yanvar tarixində AZƏRTAC-a istinadən məlumat verir.
Dekabrın 31-dən yanvarın 4-dək Qusar rayonunda yerləşən mərkəzə 15 minə yaxın qonaq gəlib. Qonaqların əksəriyyətinin yerli turistlər olduğu bildirilir. Xarici qonaqlar arasında isə Yaxın Şərq ölkələri, Rusiya, Hindistan, Pakistan və bir sıra Avropa ölkələrinin vətəndaşları yer alıblar.
Bundan əlavə, kompleksin ərazisində olan hotelin xidmətlərindən ümumilikdə 2500-ə yaxın şəxs istifadə edib.
