Qusarda evlilik təklifini rədd edən xanımın ünvanına nalayiq ifadələr işlədilib. Bu haqda ShimalNews 16 avqust tarixində “Qaynarinfo”ya istinadən məlumat verir.
56 yaşlı Urva kənd sakini C.N. dəfələrlə X.O.-ya ailə qurmaq təklif edib. Xanımın “yox” deməsinə baxmayaraq, kişi onu narahat etməyə, salamlaşmağa davam edib.
Salamına cavab almayan şəxs bir müddət sonra içkili halda qadının yaşadığı evin hasarına çıxaraq onu təhqir etməyə başlayıb. Bu səbəbdən qadın polisə şikayət edib.
Məhkəmənin qərarı ilə C.N. 10 gün müddətinə inzibati həbs edilib.
