Qusar rayon İcra Hakimiyyətinin başçısı Sahir Məmmədxanov şəhid ailələri və qazilərlə görüş keçirib. Bu barədə ShimalNews 20 iyul tarixində məlumat verir.
İki saat çəkən açıq dialoq zamanı narahatlıq yaradan məsələlər dinlənilib. Onların həlli istiqamətində aidiyyəti üzrə tapşırıqlar verilib.
Görüşdə çıxış edən icra başçısı 44 günlük müharibədə əsgərlərimizin şücaətindən, son 200 il ərzində ilk dəfə olaraq, əzəli düşmən üzərində qələbənin əldə edilməsindən danışıb. Döyüşlərdə şəhid olmuş Vətən övladlarının ailələrinin və qazilərin sosial problemlərinin daim diqqət mərkəzində saxlanılacağını bildirib.
