Qusarda narkotik vasitələrin əkilib-becərilməsində və daşınmasında şübhəli bilinən şəxslər tutulublar. Bu haqda ShimalNews 23 iyun tarixində DİN-in Mətbuat Xidmətinə istinadən xəbər verir.
Rayon Polis Şöbəsinin əməkdaşları əməliyyat-axtarış tədbiri keçiriblər. Nəticədə rayon sakinləri - Novruz Aslanov və Emin Şıxkərimov saxlanılıblar.
N.Aslanovun həyətyanı sahəsinə baxış keçirilən zaman onun əkib yetişdirdiyi 25 ədəd çətənə (kannabis) bitkiləri aşkarlanıb. E.Şıxkərimovdan isə narkotik vasitə olan heroin aşkar olunaraq götürülüb.
Məhkəmənin qərarı ilə Eldar Qadıyevin barəsində həbs qətimkan tədbiri, digər şəxslərin barələrində isə polisin nəzarəti altına vermə qətimkan tədbiri seçilib.
