Qusar rayonunda əkin və bağ sahələrinin su ilə təminatının yaxşılaşdırılması istiqamətində ardıcıl tədbirlər həyata keçirilir. Bu barədə ShimalNews 3 aprel tarixində Meliorasiya və Su Təsərrüfatı ASC-yə istinadən məlumat verir.
Hazırda rayon Suvarma Sistemləri İdarəsi tərəfindən yeni mövsümə hazırlıq işləri görülür. Bu məqsədlə torpaq məcralı kanallar lil və kol-kosdan təmizlənir. Plana əsasən, cari ildə 680.000 kub.m lildən təmizləmə işlərinin görülməsi nəzərdə tutulub.
Bununla yanaşı, torpaq kanallar beton üzlüyə alınır, çayların daha çox təhlükə gözlənilən hissələrində daşqın və selə qarşı mübarizə tədbirləri görülür.
