Qusar rayonunun Köhnə Xudat və Əvəcuq kəndlərinin turizm potensialı araşdırılıb. Bu haqda ShimalNews 10 noyabr tarixində Quba Destinasiya Menecmenti Təşkilatına (DMT) istinadən məlumat verir.
Quba DMT-nin əməkdaşları səfər çərçivəsində kəndlərin klub direktorları və icra nümayəndələri ilə görüşüblər.
Bu kəndlərdə yerləşən qonaq evləri, buranın tarixi, mədəni və təbiət abidələri siyahıya alınıb. Eləcə də turistləri cəlb edə biləcək mövcud turizm resursları haqqında məlumatlar əldə edilib. Həmin məlumatlar vahid baza şəklində formalaşdırılıb və Quba DMT-nin turizm resursları olan kəndlər siyahısına əlavə olunub.
