Qusarda bir neçə fermer təsərrüfatında fındıq ağaclarının quruması ilə qarşılaşıblar. Bu barədə ShimalNews 2 iyun tarixində Bitki Mühafizə və Texniki Bitkilər Elmi Tədqiqat İnstitutuna istinadən məlumat verir.
Xaçmaz Təcrübə Stansiyasının elmi əməkdaşları M.M. Aslanov, Z.M. Ağabalayev və H.Z. Aslanov İmamqulukənd kəndində olublar. Onlar fındıq bağlarında tədqiqatlar aparıblar.
Məlum olub ki, aqrotexniki tədbirlər vaxtında aparılmayıb. Həmçinin bir çox xəstəliklər (unlu şeh, bakterial xərçəng, qabıqda nekroz, kök çürüklüyü) və zərərvericilər (fındıq mənənəsi, qızılağac yarpaqyeyəni, budağagirən, torpaq böcəkləri və s.) aşkarlanıb. Onlar laboratoriyaya gətirilərək tədqiq olunub.
Təsərrüfatçılara aparılacaq mübarizə tədbirləri haqqında məsləhət və tövsiyələr verilib.
