Quba-Xaçmaz Regional Məşğulluq filialının dəstəyi ilə Qusar şəhərində əmək yarmarkası keçiriləcək. Bu haqda 20 iyun tarixində ShimalNews Dövlət Məşğulluq Agentliyinə istinadən məlumat verir.
46 vakansiya “Şahdağ Turizm Mərkəzi” QSC tərəfindən təqdim olunacaq. Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaq.
Yarmarkada iştirak etmək istəyənlər iyunun 22-si saat 11:00-da M.Vəliyev küçəsi, 6 (Heydər Əliyev Mərkəzi) ünvanına yaxınlaşa bilərlər. Müraciət edən namizədlərin şəxsiyyət vəsiqələrini təqdim etmələri mütləqdir.
