Qusarın icra başçısı Sahir Məmmədxanov və Millət vəkili Azər Badamov Balaqusarda aparılan tikinti ilə tanış olublar.
Shimal.News xəbər verir ki, ərazidə şəhid ailələri və Qarabağ müharibəsi əlilləri üçün nəzərdə tutulan iki binanın tikintisi aparılır. Binaların hər biri 5 mərtəbəli olmaqla ümumilikdə 112 mənzildən ibarət olacaq.
Rəsmilər həmçinin Qusar və daha 6 kəndin içməli su ilə təminatında mühüm əhəmiyyət daşıyan "Bənövşə gölü" ("Fialka") su anbarının mövcud vəziyyətini də yoxlayıblar. 500 min kubmetr tutumlu anbarın yenidən qurulması üçün dövlət başçısının sərəncamı ilə ilkin olaraq 1 milyon manat vəsait ayrılıb.
Layihə çərçivəsində yaxın günlərdə su anbarında tikinti-bərpa işlərinə başlanacağı gözlənilir.
