Qusar şəhərində yanacaqdoldurma məntəqəsini (YDM) qarət edən şəxs tutulub. Bu barədə ShimalNews 4 yanvar tarixində Bizim.Media-ya istinadən məlumat verir.
Hadisə yanvarın 2-də gecə saat 23:00 radələrində qeydə alınıb. Köhnə Xudat Qazmalar kənd sakini, 27 yaşlı Ravil Həmidov YDM-in operatorunu hədələyərəko ndan kassanın açarını alıb və 200 manat pulu talayıb.
Polis əməkdaşları əməliyyat-axtarış tədbirləri keçiriblər. Nəticədə hadisəni törədən R.Həmidov saxlanılıb. Onun barəsində CM-nin 180-ci maddəsi ilə cinayət işi açılıb.
Hadisəni törədən şəxs əvvəllər də məhkum olunub.
