Qusarda Heydər Əliyevin siyasi hakimiyyətə gəlişinin 55-ci ildönümünə həsr olunmuş konfrans keçirilib. Bu haqda ShimalNews 12 iyul tarixində məlumat verir.
Heydər Əliyev Mərkəzində baş tutan tədbir "Tərəqqi yolunun başlanğıcı" mövzusunda təşkil edilib. Konfransda YAP Qusar Rayon Təşkilatının sədri David İbramxəlilov, AMEA Fəlsəfə və Sosiologiya İnstitutunun icraçı direktoru tarix elmləri doktoru Eynulla Mədətli, siyasi elmlər üzrə fəlsəfə doktoru yazıçı-publisist Məmmədağa Sərdarov, partiya fəalları, rayon ictimaiyyətinin nümayəndələri iştirak ediblər.
AMEA Fəlsəfə və Sosiologiya İnstitutunun icraçı direktoru tarix elmləri doktoru Eynulla Mədətli və siyasi elmlər üzrə fəlsəfə doktoru yazıçı-publisist Məmmədağa Sərdarov, Rayon Ağsaqqallar Şurasının sədri Sənan Xəlilov, Qusar rayon Heydər Əliyev Mərkəzinin direktor əvəzi Fatimə Zülfüqarova Heydər Əliyevin milli dövlətçilik tariximizdəki müstəsna xidmətlərindən geniş məlumat verərək, Heydər Əliyevlə bağlı xatirələrini tədbir iştirakçıları ilə bölüşüblər.
