Qusarda qanunsuz saxlanılan silahın aşkar edilməsi istiqamətində uğurlu əməliyyat tədbiri baş tutub. Bu haqda ShimalNews 23 iyun tarixində DİN-in Mətbuat Xidmətinə istinadən xəbər verir.
Rayon Polis Şöbəsinin əməkdaşları əməliyyat-axtarış tədbiri keçiriblər. Nəticədə rayon sakini Eldar Qadıyevdən qanunsuz olaraq saxladığı “AKS-74” markalı silah, 2 ədəd patron darağı və 60 ədəd güllə aşkar olunaraq götürülüb.
Saxlanılan şəxs həmin silahı meşədə tapdığını və 4 ildir onda olduğunu bildirib. Onun sözlərinə görə, avtomatı Bakıda dənizə atmaq üçün üzərində daşıyırmış.
[video width="1920" height="1080" mp4="https://shimal.news/storage/photos/2023/06/video-shimal1.mp4"][/video]
