Qusarın icra başçısı Şair Alxasov Gilah kəndində vətəndaşların səyyar qəbulunu keçirib. Bu barədə ShimalNews 23 iyun tarixində RİH-yə istinadən məlumat verir.
Görüşdə RİHB Aparatının əməkdaşları, hüquq-mühafizə orqanlarının, bir sıra idarə və müəssisələrin rəhbərləri də iştirak ediblər.
Sakinlər kəndin qazlaşdırılmasına, internet və telefon rabitəsi ilə təmin olunmasına, odun tədarükündə mövcud çətinliklərin aradan qaldırılmasına və digər məsələlərin həllinə köməklik göstərilməsini xahiş ediblər.
Qaldırılan məsələlərin bir qisminə müvafiq izahat verilmiş, digərlərinin həlli aidiyyəti qurumlara tapşırılmışdır.
