Qusar rayonunda Vətən Müharibəsi şəhidlərinin anım tədbiri keçirilib.
Shimal.News xəbər verir ki, xatirəsi yad edilən hərbi qulluqçular 2020-ci il sentyabrın 27-də Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı şəhid olublar.
Şəhidlərin Qusar rayon Şəhidlər xiyabanındakı məzarları ziyarət olunub, əziz xatirələri yad edilib. Mərasimdə icra başçısı Sahir Məmmədxanov şəhid Sənan Zamanov, Mayıl Kürəbəyov və Ramil Balabəyovun anım mərasimlərində iştirak edib.
Sənan Zamanov ölümündən sonra "Vətən uğrunda", "İgidliyə görə", "Suqovuşanın azad olunmasına görə" və "Qüsursuz xidmətə görə" 3-cü dərəcəli medalları ilə təltif edilib.
Mayıl Kürəbəyov ölümündən sonra "Vətən uğrunda", "Füzulinin azad olunmasına görə", "Döyüşdə fərqlənməyə görə" medalı ilə təltif edilib.
Ramil Balabəyov ölümündən sonra "İgidliyə görə", "Laçının azad olunmasına görə", "Suqovuşanın azad olunmasına görə", “Vətən uğrunda” medalları ilə təltif edilib.
