Qusarda energetika naziri Pərviz Şahbazov vətəndaşları qəbul edib. Bu barədə ShimalNews 23 iyun tarixində məlumat verir.
Görüş Heydər Əliyev Mərkəzində baş tutub. Burada Qusar, Quba və Xaçmaz rayonlarından olan 25 vətəndaş iştirak edib.
Onlar elektrik enerjisi təchizatı, şəbəkəyə qoşulma, elektrik enerjisi verilişində fasilələrin yaranması, elektrik qurğu və avadanlıqlarının istismar vəziyyəti, qazlaşdırma, təbii qazdan istifadəyə görə cərimələrin yazılması və digər məzmunlu müraciətlər səsləndiriblər.
Qaldırılan məsələlərin qanunvericiliyin tələblərinə uyğun həll edilməsi üçün lazımi tapşırıqlar verilib. Nazirliyin fəaliyyət dairəsinə aid olmayan müraciətlər isə aidiyyəti qurumlara göndərilməsi üçün qeydə alınıb.
